Einmitt, ráðgjöf!!!!!!!!!!!!!!!!!!!!!!!!!!!!!!!

Valdataflið um Afríku er að stigmagnast, Obama vill styrkja stöðu sína gegn Kína sem treystir sífellt áhrif sín frá suðri, meðal annars þess vegna er USA með stuðningi NATÓ og aðildarríkjum þess að treysta stöðu sína í norður Afríku, þ.e.a.s. Libyu.

Bandarískir hermenn til Afríku

Hver er ógnin!

Í hvaða tilgangi þurfum við að vinna að nýrri varnarmálastefnu, við erum því miður aðilar að því sem ég kalla árásarbandalag NATÓ. En þetta fyrrum varnarbandalag breytti um hlutverk í kringum síðustu aldamót, nánar tiltekið 1999 þegar það fór að varpa sprengjum á Balkanskaga, fyrrum Júgóslavíu. Síðan þá hefur því, þessu fyrrum varnarbandalagi verið beitt af USA og UK í heimsvaldastefnu þeirra. Ráðist á hvert landið á fætur öðru, oft í nafni mannúðar, en í raun til að hirða af þeim allar hugsanlegar auðlindir og fé. Ríkisstjórnir Íslands samþykkja allar aðgerðir umhugsunarlaust og gera okkur almenna borgara þessa lands um leið samábyrg í drápunum. Meirihluti þjóðarinnar virðist sætta sig við þetta og því sýnist mér að Ísland þurfi ekki að huga að frekari vörnum, við erum í liði með helsta ógnvaldinum að heimsfriði í dag. Svo til gamans koma ýmsar orustuflugsveitir NATÓ öðru hvoru til Íslands, í orði kveðnu til að vakta lofthelgina (fyrir hverju?), við borgum fyrir með bros á vör úr digrum sjóðum ríkisins.

Þreföld kreppa á Íslandi

Trúarbrögð!

Ég ber ákveðna virðingu fyrir trú, sjálfur fæddur inn í kristna trú, sagði mig þó úr þjóðkirkjunni fyrir margt löngu. Það var þó ekki vegna trúleysis heldur frekar vegna þess að kirkjan sem stofnun er óhæf til að taka á málum sem varðar hana sjálfa s.b. málefni fyrrum biskups hér á Íslandi sem enn á ný hefur skotið upp kollinum þrátt fyrir það hann sé fyrir allnokkru horfinn til annarar vistar. Öll trúarbrögð sem ég þekki til hafa í sér fólgin einhvern sannleika um lífið og tilveruna og leitast við að kenna okkur siðferði. Það er aðeins af hinu góða ekkert samfélag lifir af án siðferðislegra gilda. Eins kenna þau okkur umburðarlyndi og samkennd. En oft er það að þeir sem gerast þjónar og boðendur trúar hvers nafni sem hún nefnist virðast sjálfir ansi afvegaleiddir s.b. þennan aumkunarverða biskup. Megi guð leiða hann á rétta braut.

Fráskildir fái ekki að kenna börnum

Ný viðmið.

Er ekki staðreyndin sú að peningakerfi stórs hluta hins vestræna heims er komið í þrot. Að hreinlega verði að byrja með nýtt peningakerfi sem styðst við raunveruleg verðmæti. Hætta með peningakerfi þar sem bankar búa til peninga úr engu og lána gegn okurvöxtum. Og alls ekki einn samhæfðan gjaldmiðil. Ein af helstu ástæðum þess að USA ásamt með árásarbandalaginu NATÓ og með stuðningi íslensku ríkisstjórnarinnar réðust inn í Libyu fyrir utan olíulindirnar var einmitt vegna gjaldmiðils. Libya ásamt nokkrum öðrum olíuríkjum í Afríku voru komin vel á veg með að skipta yfir í nýjan gjaldmiðil. Gullmynt sem til stóð að taka í gagnið og hætta að selja olíu fyrir bandaríkjadal eins og öll olíuviðskipti meira og minna fara fram í. Sama var reyndar upp á teningnum í Írak (Saddam Hussein), en þar stóð til að færa olíuviðskipti yfir í evrur, en þá réðust USA og bandalagsþjóðirnar inn í Írak. Undir því upplogna yfirskyni að þar væri allt vaðandi í gereyðingarvopnum o.s.f. Og má ekki velta fyrir sér að sökum þess að USA dollari hefur verið ráðandi gjaldmiðill í heimsviðskiptum og seðlabanki USA hefur getað prentað seðla án afláts, seðla með engin raunveruleg verðmæti á bak við sig (seðlabanki USA er einkabanki), að einmitt sé megin vandinn í fjármálalegu tilliti þaðan sprottinn. S.s einhverskonar nýjar myntir með raunveruleg verðmæti á bak við sig. Margir munu líklega benda á það að með slíkri fastbindingu fjár væri verið að hefta viðskiptalífið o.s.f. en væri það ekki allt í lagi, við erum ábúendur á þessari jörð, höfum ekki val um annað, en erum að verða búin að eyðileggja hana með mengun og græðgi. Svo kannski væri allt í lagi að fara að taka til í okkar ranni og endurskipuleggja allt okkar líf og lifnaðarhætti. Staðreyndin er sú að það er vel hægt að fæða og klæða alla jarðarbúa ef við viljum!

Evran gæti leitt til hruns á heimsvísu

Spillingarbælið; Ísland.

Í Tímariti Máls og menningar - 72. árgangur - 3.hefti - sept. 2011 er grein eftir Stefán Jón Hafstein „Rányrkjubú", þar sem hann veltir upp ástæðu „Hrunsins", hugsanlegri ástæðu þess að fór sem fór o.s.f.

Þetta er alger snilldargrein, mæli eindregið með henni. Líkt og ég hef líka minnst á í mínum pælingum hér á síðunni bendir hann á að við Íslendingar verðum að endurskipuleggja þjóðfélag okkar. 

„Nýja Ísland, já takk".

Er plottið að nýrri innrás hafið!

Lengi hefur það verið áætlun æðstu manna innan bandaríkjastjórnar að ráðast inn í Íran en ekki haft nógu góða ástæðu til. Svo að hér má reikna með að sé að skapast tilefni. Hvort þessi atburður er í raun eins og sagt er eða búinn til er ekki gott að segja. En í það minnsta vog á lóðaskálar herhyggjumanna. Gleymum ekki orðum fyrrum forseta USA, Georg W. Bush sem sagði einmitt að „Öxulveldi hins illa“ væru Íran, Írak og Norður Kórea. Írak hefur þegar verið hernumið, er komið að Íran! Annars er það hið undarlegasta mál hversu bandarísk stjórnvöld halda verndarhendi yfir Sádí ættinni sem öllu ræður í Sádí-Arabíu og er ekki mikið fyrir mannréttindi almúgans. T.d. aðeins fyrir nokkrum vikum stóð til að húðstrýkja konu þar sem dirfðist að aka bifreið, en það er þeim bannað. Hún slapp þó frá þessari refsingu í þetta sinn. Og maður spyr sig um hvaða skilgreiningu mannrétindabrota notast er við af bandarískum stjórnvöldum.

Ætluðu að ráða sendiherra af dögum

Ræktunin vernduð af innrásarherjunum!

Það undarlega í þessu öllu er einmitt sú staðreynd að fyrir innrás USA, NATÓ og taglhnýtinga þeirra hafði ópíumrækt að mestu leiti verið hætt í Afghanistan. Talibanar höfðu gert í því að útrýma þessari ræktun.

En nú hefur dæmið snúist við og Talibanar fjármagna sig meðal annars með ræktun á valmúanum og framleiðslu heróíns sem að mestu leiti fer á markað í Evrópu. Og gráir fyrir járnum standa hermenn innrásarríkjanna og vernda ópíumakrana. Já, þetta er undarlegt en ekki er alltaf allt eins og sýnist þegar kemur að siðferði hermangsþjóða.  

Ópíumræktun eykst í Afganistan

Framsækið jafnréttissamfélag.

Ekki held ég að það sé rétt mat hjá Lilju að við viljum óbreytt flokkakerfi. En spurningin gæti frekar verið hvað viljum við. Viljum við kerfi sem hyglar ákveðnum stéttum fram yfir aðrar. Viljum við bankakerfi sem mergsýgur almenning og ríkissjóð. Þurfum við forseta og svona gríðarstórt utanríkisráðuneyti með sendiherra út um allar koppagrundir. Er heilbrigðiskerfið okkar heilbrigt eða skapar það sjúklinga! Og kannski fyrst og fremst, er siðferði okkar Íslendinga örugglega í lagi. Ég tel að nú sé í raun lag til þess að umbylta þjóðfélagi okkar, búa til nýtt framúrstefnulegt jafnréttisþjóðfélag. Við getum það ef við viljum.

„Þjóðin vill óbreytt flokkakerfi“

Vaknað upp af Þyrnirósarsvefninum.

Loksins hefur þokunni létt af almenningi í USA. Gangi þeim vel í baráttunni og vonandi að hún verði eingöngu á friðsamlegum nótum.

Mótmælt víða um Bandaríkin

Íslenskum almenning stefnt í fátækt!

Þetta eru einmitt hin skýru dæmi þess að hér á Íslandi verða brátt aðeins tvær stéttir, fátæklingar og hinir vel stæðu. Fátæklingarnir og öreigarnir sínu fleiri. Nú þegar almenningur hefur notað upp allt sitt sparifé og viðbótarlífeyrissparnað þá er komið að hugsanlegum listmunum, málverkum og allt frá hruni fyrir þremur árum hefur fólk verið að selja gullskartgripina sína. Húsnæðislán og reyndar öll lán stökkbreyttust við hrunið og engin raunveruleg leiðrétting hefur orðið þar á nema á erlendu mynkörfulánunum sem enda voru ólögleg frá upphafi. Hinn vestræni heimur stefnir hraðbyri inn í allsherjarkreppu sem að ef að líkum lætur verður heldur verri en heimskreppan á millistríðsárum síðustu aldar. Og hverjir eru ábyrgir fyrir þessari krísu, eru það ekki einmitt meðal annars bankarnir og það fjármálakerfi sem við búum við. Kerfi þar sem peningar eru búnir til úr engu svo lánaðir út gegn okurvöxtum, bankar sem taka stöðu gegn gjaldmiðli þjóðríkja, eins og gerðist hér á skerinu. Svo er þessum bönkum bjargað með sameiginlegu fé landsmanna úr ríkissjóði en landsmenn fá enga björgun og litlar sem engar leiðréttingar. Þetta kerfi er komið í öngstræti og verður að slá af. Þetta kerfi var búið til af okkur íbúum þessa hnattar, getum áreiðanlega búið til nýtt og betra, sanngjarnara peningakerfi.

Selja stofustássið fyrir mat