Fyrirbyggjandi aðgerðir.......

Hvernig væri að upplýsa almenning betur um það hvað hægt væri að gera til að koma í veg fyrir tannskemmdir. T.d. að vera með smá varnaðarorð gegn þessari gengdarlausu sykurneyslu okkar í formi sælgætis og gosdrykkja. Reyna t.d. að láta þennan svokallaða nammidag (laugardagar) deyja drottni sínum.

Einn veikasti hlekkurinn

Ritskoðun.................

Er það ekki fasismi að banna tilvitnanir í Hitler, stuðning við Nasistaflokkinn og hvað annað sem hefur og er á einhvern hátt óþægilegt samvisku manna. Fólk ætti ekki að horfa fram hjá þeirri staðreynd að uppgangur Hitlers á sínum tíma var studdur af fjármálaöflum og skoðanabræðrum víðar í Evrópu og Bandaríkjunum. Að Twitter ætli sér að leyfa ritskoðun eftir hentugleikum hinna ýmsu þjóðríkja er mjög slæm þróun en samt lýsandi fyrir sterkasta aflið, græðgi í fjármuni = völd.

Getur ritskoðað eftir löndum

Gras = marijuana.

Mikið geta umfjallanir um vímuefni verið einkennilegar. Marijuana er iðulega kallað gras, þannig að það sem hún hefur verið að reykja hefur greinilega verið eitthvað annað. Áhrif af marijuana eru ekki slík sem þarna er lýst. Þess utan er marijuana ekki meiri eða minni eiturlyf en áfengi.

Demi Moore var hætt komin

Eitthvað sem skiptir verulegu máli.

Gaman að sjá á ný frétt um atvinnugrein sem skiptir okkur öll máli. Enn eru einmitt fiskveiðar stór hluti af afkomu okkar og vert að fjalla um það.

Stíft róið í brælu

Mánageislar...............upplýst kennd.

Mánageislarnir smjúga letilega gegnum þykkni skýjanna.
Í huga mínum fer fram uppgjör við hið gamla lífseiga en úr sér gengna siðferismat, siðferðismat lágstéttarmannsins, blindingslega þjónkun við ráðandi fjármálamógula, botnlaust strit fyrir smáeyri. Uppgjör við meint menntunarleysi, minnst gatna sem ferðast hefur verið eftir til gagns og oft gamans, aðrar götur en hinn marglofaði orðum skrýddi menntavegur.
Lesvegurinn gegnum orðskrúð, marglit ljóð, prósa stóran sterkan, liðlegan útrennandi með snúnu tvisti og fallega máluðum sviðsmyndum, hyldjúpum með lítilli týru í niðadimmum skúmaskotum, klífandi upp úr holunni, með stefnu á fjallið, til munkanna með ómfögru möntrurnar, til að komast loks í nánd við guðdóminn ~ hið innra.

Hin vaknandi vitund breiðir úr sér, lýsist upp eins og dögun hinna nýju tíma komandi og ástin umvefur allt.

©Steinart

Gamalt fannfergi..................

Endurminning tengd snjó, fannfergi og myrkri en þó svo mögnuðum tilfinningum æskufólks í verstöð á landsbyggðinni þegar allt virtist geta orðið ef vildir..........

Í grandvarri íhygli hugsanlegrar gjörðar um það bil er allt var að falla í ljúfa löð, augnlokin farin að síga ískyggilega, uppáhaldslagið við að klárast, vangadansinn ljúf nærvera, yrði næsta lag innsigli frekari kynna, myndu töfrarnir kannski leysast upp eins og þetta partý, yrði stígið út í hríðina, skaflarnir troðnir, dröslast upp eyrina í einsemd, eða mætti ekki lauma einu hugljúfu lagi til á fóninn, freista þess að heilla draumadísina með lipurri danslist og fögrum orðum hvísluðum í eyra, sigla síðan burtu í fjarlæg lönd, lesa ávexti af trjám, lifa fyrir líðandi stund.......................

©Steinart

Er þetta grín.

Hvernig í ósköpunum má það vera að kjörnir fulltrúar okkar á þingi skuli vera að dunda sér við það að reyna að snúa til baka sínum eigin ákvörðunum og það máli sem þegar er komið til landsdóms. Þetta er svo kjánalegt, hefði líka ekki verið betra að ákæra engan eða alla sem hlut áttu að máli í undanfara hruns. Er þetta í raun boðlegt að eyða tíma í þetta yfirklór. Vissulega má segja að þjóð eigi skilið það mannval sem kýs til setu á Alþingi hverju sinni, en þetta er nú orðið að „farsa“, leikhúsi fáránleikans. Kæru bræður og systur, þjóðkjörnir fulltrúar okkar, takið ykkur taki og reynið að vinna þjóð ykkar gagn.

Frávísun felld

Angurljóð

Blátt fellur regnið
í gegnum sál mína.

Sáldrast snjódrífan
að rótum hjarta míns.

Angurværir tónar
mýkja skynjun mína
og fleytir huga mínum
til þín, ástin mín.

©Steinart

Hljóðnaður er sá söngur...........

Annars mjög merkilegt að fornleifafræðingar sem trúlega hafa verið að grafa og gramsa skuli fyrir slysni finna grafhýsi!

3.000 ára söngkona fundin

...........ferðalag

.................................ferðalag

Ferðast um á fagurofnu draumteppi.
Ferðast um æðarkerfi þjóðarlíkamans.
Ferðast um í ranghugmyndum almúgans.
Ferðast um í vagni vitundarvakningarinnar.
Ferðast um í alsælu tilfinninga minna.
Ferðast um samtvinnaður vinu minni.
Ferðast um með sannleiksleitendum.
Ferðast um með hinum friðelskandi.
Ferðast um í sjálfum mér, því lífið er ferðalag.

©Steinart