Bloggfærslur mánaðarins, desember 2011

Einfaldara ráð........

Skynsamlegasta og besta þynnkuvörnin er einfaldlega að vera edrú.
mbl.is Þynnkuráð Gwyneth Paltrow
Tilkynna um óviðeigandi tengingu við frétt

Bara ef......

Mikið væri nú gott ef til þess kæmi nú loks í næstu forsetakosningum í USA að til starfans veldist maður sem ekki er strengjabrúða peningaaflanna. En er nokkur von til þess!
mbl.is Fáir ánægðir með Obama
Tilkynna um óviðeigandi tengingu við frétt

Úpps.....meiri vinnusemi.

Jæja við erum líklega ofalin hér í vestrinu. Velferðarkerfið hefur gert okkur að ræflum! Tel reyndar sjálfur að vandi peningakerfisins (skuldsettning) sé nú kannski helst falin í því geræðislega peningakerfi sem búum við. Þar sem peningar eru búnir til úr engu með engin raunveruleg vermæti sem tryggingu. En þetta vitum við nú öll nú orðið, nú er málið að reyna að koma á einhverju raunverulegra peningakerfi. Það er hægt. Allt sem þarf er vilji!
mbl.is Úr sér gengið velferðarkerfi Evrópu
Tilkynna um óviðeigandi tengingu við frétt

Trú. II

Því trúin er eitt andlegt afl.
Hittir ekki alla fyrir jafnt.
Margan refilstiginn ráfum
fyrr en við sjáum ljósið bjart.

Margur leitar um langan veg,
að lífsins yndi, andans makt.
En í hjarta voru er það ljóst,
að ástin hreina er oss allt.

©Steinart


Rýrt úran.

Það er ekkert skrýtið að fæðingargöllum og aukin tíðni krabbameins, hvítblæðis o.f.l. komi þarna upp. Bandaríski herinn og Natóherinn sem er að verða einhverskonar alþjóðaher illu heilli, nota og hafa gert um langan tíma skotfæri og sprengjur sem innihalda rýrt úran. En það er s.s. einhverskonar úrgangsúran,frá kjarnorkuverum. Þessum vopnum hefur verið beitt í öllum þeim átökum sem þetta herteymi hefur komið sér í á undanförnum árum. Írak, Afganistan, Líbya og víðar. Þessi vopn hafa valdið geislamengun sem ekki mun hverfa á næstunni frekar en önnur geislamengun. Því má búast við að um langan tíma muni þessi mengun valda íbúum þessara landa miklum og alvarlegum veikindum
mbl.is Fæðingargallar tíðari í Falluja
Tilkynna um óviðeigandi tengingu við frétt

Fasismi ríkisstjórna.

Ansi víða eru friðsöm mótmæli brotin á bak aftur af óeirðalögreglu. Í Bandaríkjunum, Rússlandi, Ísrael, Bretlandi og víðar. Aukin meðvitund almennings fer víða fyrir brjóstið á valdstjórninni. Það er farið að hitna undir sætum valdaelítunnar sem hefur of lengi fengið að koma fram vilja sínum með ýmsum blekkingum. Nú þegar búið er að gera stóran hluta almennings, hinna vinnandi stétta að eignaleysingjum, skuldum vafða í illyrmislegu peningakerfi sem enn gerir þá ríku ríkari með tilstuðlan ríkisstjórna þessara landa allra. Fólk er farið að sjá í gegnum blekkinguna og mun ekki mikið lengur láta ganga yfir sig þessa kúgun og valdníðslu. Sama á við á Íslandi, þar sem eignastuldur bankanna af almenningi er látin óáreittur og ríkisstjórnin stendur vörð um bankanna. Fjármálakreppan var ekki og hefur aldrei verið náttúrulögmál, kreppan er manngerð og sífellt fleiri gera sér orðið grein fyrir því. Því munu mótmælin halda áfram uns einhverjar umbætur koma til, eitthvað réttlæti. Það er von mín að það geti orðið með friðsömum hætti, það er affarsælast. En því miður virðist vera víða þar sem valdstjórnin, að því er virðist gerir í því að ögra mótmælendum og það getur að sjálfsögðu á einhverjum tímapunkti farið illa. Valdaelíta heimsins gefur ekkert eftir fyrr en í fulla hnefanna. En samtakamáttur fjöldans getur breytt miklu, við sem stöndum neðst í valdapíramídanum getum mölvað hann ef við vöknum til þess, opnum augun og gerum okkur grein fyrir hlekkjunum sem við erum í!
mbl.is Fjöldahandtökur í San Francisco
Tilkynna um óviðeigandi tengingu við frétt

Humm.

Farið eilítið að líkjast aðgerðum sannleiksráðuneytissins í bók Orwell „1984“.
mbl.is Símaskráin fjarlægð úr verslunum
Tilkynna um óviðeigandi tengingu við frétt

Kosningasjónarspil.

Sorglegt að sjá hversu fjarri nokkru lýðræði Rússland er. Ekki það að það sé svo mikið betra víða annars staðar. En það verður að vera grundvallaratriði í öllum mótmælum gegn valdstjórninni hvar sem er; Rússlandi, Kína, Bandaríkjunum eða íslandi að mótmæla friðsamlega. Alls ekki að gefa valdstjórninni ástæðu til ofbeldis gegn mótmælendum. Því víða er hin minnsta ástæða notuð til að handtaka mótmælendur og berja á þeim. Mótmælum friðsamlega.
mbl.is Fjölmenn mótmæli gegn Pútín
Tilkynna um óviðeigandi tengingu við frétt

Jæja, púslið raðast saman.

Jæja, það nálgast að allir bitar raðist rétt saman eins og ráð var fyrir gert. Nú er bara að vera vakandi og láta ekki teyma sig undir fallöxina. Megi samtakamáttur fjöldans koma í veg fyrir það geræði sem verið er að leggja línurnar fyrir.
mbl.is Skutu niður bandaríska njósnavél
Tilkynna um óviðeigandi tengingu við frétt

Það er planið.

Þetta er einmitt það sem olíufurstarnir vilja. Plan þeirra að ganga eftir. Elítustjórn heimsins kann á því tökin.
mbl.is Refsiaðgerðir hafa mikil áhrif á olíuverð
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband