Dögun.

Þær eru á förum,

tilfinningarnar sem hefur nært,

haldið við og vegsamað.

Nú þær leysast upp,

hverfa burt sem dögg í skini sólar

á nýjum degi vakningar þinnar.

Öll gömlu gildin gliðna og

sál þín ~ vitund þín rís upp

af eldinum eins og fuglinn Fönix

og svífur inn í hinn nýja raunveruleika

Vatnsberans.

Leikþáttur ~ Farsi.

Er þetta nokkuð annað en skipulögð leiksýning? Var nokkurntímann við öðru að búast en að skuldaþakinu yrði lyft, er einhver munur á hægri og hægri þegar upp er staðið. Demókratar ~ repúblikanar ~ sitthvor hliðin á sama peningnum. Rétt eins og þetta blessaða heilbrigðisfrumvarp sem Obama var að dútla við, næsta víst að því var í raun aldrei ætlað að verða neitt. Sú er í það minnsta mín skynjun sem leikmanns, sé að vísu ekki vel en er samt ekki blindur. 

Skuldaþakið rís loks

Augu í augnablikinu ~ leitandi.

Þetta kunnuglega hungur mitt eftir viðurkenningu utan úr firðinni. Biðin eftir að gerist lítið æfintýri, rétt svona til að halda manni á tánum, taldi nú samt að væri nógu langt frá jörðu með augu mín leitandi í fjöldanum að augum ástleitninnar, fögrum tindrandi augum sem leituðu minna augna á augnabliki hins altæka sannleika, augnabliksins þegar ljóst verður að meira er í manneskjuna spunnið en fjöldanum hefur verið ljóst. Út úr myrkrinu við þokumst, hraðar með hverjum degi sem þó rennur úr greipum okkar á umbrotatíma, í fæðingarhríðum nýs tíma.

Neongrænt og cappuccinobrúnt vinsælustu jólalitirnir.

Mikið er maður nú heppinn, búið að ákveða fyrir okkur jólalitina í ár. Og ekki seinna vænna, jólin alveg að bresta á! Í það minnsta eins og maður skynjar tímann í dag. Gleðileg komandi jól! 

Jólaverslun hafin í Lundúnum

Varnir landsins \ gegn ísbjörnum.

Væri ekki rétt að senda þennan herramann á Hornstrandir til varnar gegn óvelkomnum ísbjörnum. 

Réðst á ísbjörn á Laugavegi

Sviflétt hugvekja.

Mig hefur langað til að setja hér inn einhverjar hugsanir og pælingar, svolítið langt síðan síðast. Blogga um einhverja frétt, en það virðist bara vera svo lítið jákvætt í fréttamiðlunum. Því hef ég bara þagað, en það er líka bara ágætt. Þögnin getur verið svo gefandi, þaga í sátt við sjálfan sig, horfa í hug sér, leita að hinu hvíta ljósi skynjunarinnar. Sjá fyrir sér hina nýju tíma komandi, því allt er nú um stundir í gríðarlegu umbreytingarferli. Við erum á ferð inn í nýjan veruleika, til að skynja það er einmitt gott að stansa eitt andans augnablik, horfa innávið í huga sinn, gaumgæfa og meta þær miklu hræringar sem skekja jörðina og mannlíf allt. Reyna að finna þá miklu tíðnibreytingu sem er að verða, reyna að taka sér far á hinni rísandi bylgju vitundarvakningarinnar.

 

                                 Munum að ástin er allt. 

Sírenurnar kalla úr firðinni.

Þegar sit við og hugsa um að yrkja, fanga á skrifblöðin orð sem sigla hjá eins og löngunarfull áhöfn skútu á leið í langferð um djúphöfin, til annara stranda hvar gáskafullar stúlkur kalla eggjandi af ströndinni, reynandi að seyða og tæla eins og Sírenurnar  kölluðu forðum til sjómanna er leið áttu hjá eyju þeirra en þó án þess að reyna að fyrirfara þeim sem þá minnir á heimferð Ódysseifs sem eftir að hafa barist í Trójustríðinu tefst við ýmsar þrautir meðal annars að lenda í gyðjunum þremur; Kirku, Kalypsó og Násiku sem hann þó sleppur frá eftir langan tíma og skilar sér loks heim til Íþöku tuttugu árum eftir að hann lagði af stað í herleiðangurinn til Tróju, svo er um orðin sem reyna að safnast í þéttann samstæðan prósa um allt og ekkert samt að skila einhverri lítilli eða stórri hugsun út í eterinn til að einn og kannski annar geti haft ofan af fyrir sér á kvöldi einmannaleikans þegar nóttin kemur í kjölfarið eins dimm og hún getur orðið þegar mánans verður ei vart hvorki vaðandi í skýjum né fullur hátt á himni frægðarinnar sem margir nú um stundir sækjast stíft eftir sem hins æðsta marks á takandi fram yfir fyllra lífs hins hefðbundna norms sem þér er kannski ekki sú fylling sem í veðri er látið vaka á góðum samræðufundum á kaffihúsi í fornfrægri borg sem hefur alið marga andans menn og konur, listmálara og heimspekinga sem krufið hafa tilveruna, tilvistarkreppuna og jafnan rétt karla og kvenna hvar byltingar hafa verið gerðar og fallöxin hefur gætt sér á heitu blóði sem síðan rann í stríðum straum í ræsin og endaði síðan í Signu, blandaðist að lokum þeim dimmu djúpum sem orðin fæðast af og sigla að endingu á drifhvítan pappírinn sem ekki er endurunninn heldur af fyrstu kynslóð en mun vafalaust að lokum lenda í endurvinnslunni eins og flestar hugsanir gera líka er árin safnast að og styttist í tilvistarskipti og eða að hin fornfræga Shangri-La opnast þér og veitir hina dýpstu sælukennd sem öllu öðru er betri ef þú trúir því eitt andartak í hinni skýrustu hugljómun þinni.

Já, Ísland úr Nató.

Já, og þó fyrr hefði verið. Um leið og varnarbandalagið gerðist árásarbandalag undir stjórn BNA árið 1999, þá áttum við að ganga úr þessum félagsskap. Morð á saklausu fólki, eyðilegging og mengun sem af starfsemi þessa „stríðsverktaka“ Nató hefur staðið fyrir er í það minnsta ekki með mínu samþykki. Ef einhverntíma eru ástæða til að bera eitthvað undir þjóðina þá gæti þetta mál vissulega flokkast undir það.

Tillaga um úrsögn úr Nató

Strengjabrúða hinna miklu blekkingameistara.

Spyr sjálfan mig, eftir að hafa skrifað mínar athugasemdir við fréttir, t.d. eins og varðandi meintar hótanir Kínverskra stjórnvalda í garð stjórnvalda BNA, er ég strengjabrúða? Hefi verið bent á það  að einmitt svona hótanir séu í raun ekki alvöru stríðshótanir, heldur ábending frá Kína til BNA að reyna að fara að gera upp skuldir sínar við Kína. Sem vissulega er mun betri nálgun, hef ekki á tilfinningunni að heimstyrjöld sé í aðsigi, heldur að ég hafi villst af leið, fórnarlamb áróðursmeistaranna. Og því skyldi ég allt í einu fara að trúa fyrrum háttsettum aðstoðarmanni Reagans. Biðst afsökunar á þessu frumhlaupi mínu. Jákvæðar hugsanir gera kraftaverk og geta breytt atburðarásinni. Svo hugsum öll á jákvæðu nótunum 

Þokast í átt að nýrri heimsstyrjöld?

Haft er eftir Dr. Paul Craig Roberts á vefnum „Prison Planet.com“ en hann var háttsettur innan stjórnar BNA í tíð Ronalds Reagans að „kínversk stjórnvöld hafi varað stjórn BNA við að sérhver frekari árás þeirra á eða innan Pakistan væri um leið árás á Kína“. Þessari aðvörun hefur þó ekki verið gerð nein skil í meginstraumsfjölmiðlum svo ekki gott að segja hvort rétt sé eður ei. En burtséð frá því er ljóst að ögranir Obama forseta BNA víða um heim eru ekki af hinu góða og ljóst að ansi víða gremst stjórnvöldum annara ríkja utanríkisstefna hans.

Myndi fyrirskipa aðra árás