Íslenskum almenning stefnt í fátækt!

Þetta eru einmitt hin skýru dæmi þess að hér á Íslandi verða brátt aðeins tvær stéttir, fátæklingar og hinir vel stæðu. Fátæklingarnir og öreigarnir sínu fleiri. Nú þegar almenningur hefur notað upp allt sitt sparifé og viðbótarlífeyrissparnað þá er komið að hugsanlegum listmunum, málverkum og allt frá hruni fyrir þremur árum hefur fólk verið að selja gullskartgripina sína. Húsnæðislán og reyndar öll lán stökkbreyttust við hrunið og engin raunveruleg leiðrétting hefur orðið þar á nema á erlendu mynkörfulánunum sem enda voru ólögleg frá upphafi. Hinn vestræni heimur stefnir hraðbyri inn í allsherjarkreppu sem að ef að líkum lætur verður heldur verri en heimskreppan á millistríðsárum síðustu aldar. Og hverjir eru ábyrgir fyrir þessari krísu, eru það ekki einmitt meðal annars bankarnir og það fjármálakerfi sem við búum við. Kerfi þar sem peningar eru búnir til úr engu svo lánaðir út gegn okurvöxtum, bankar sem taka stöðu gegn gjaldmiðli þjóðríkja, eins og gerðist hér á skerinu. Svo er þessum bönkum bjargað með sameiginlegu fé landsmanna úr ríkissjóði en landsmenn fá enga björgun og litlar sem engar leiðréttingar. Þetta kerfi er komið í öngstræti og verður að slá af. Þetta kerfi var búið til af okkur íbúum þessa hnattar, getum áreiðanlega búið til nýtt og betra, sanngjarnara peningakerfi.

Selja stofustássið fyrir mat

Staðlaðir limir.

Kúbverskir limir falla að stöðlum!

Hljómar eins og regluverk Evrópusambandsins.  

Ræður mönnum frá limlengingu

Aðgát skal höfð í nærveru nýs „apps“.

Tölvur eru sannarlega þægileg og þörf tæki, en líka má gera ráð fyrir að í tæki sem senda má upplýsingar megi einnig sækja þær. Svo að ráðlegast er líklega fyrir þessa þingmenn að gæta vel að því sem þeir gera á þessum apparötum með nýju sérhönnuðu „appi“.

Þingmenn fá iPad

Tónfórn.

Ungsveinar þyrpast að sviðinu.

Teiga af áfergju í sig

hljómljóðið.

Dáleiddir í höfgu

andrúmi söngsins.

Músan breiðir út

töfrateppið

svífur með sveimhuganna

um tónhimnaríkið.

Ber þá að altari

sönglistarinnar

þar sem þeir

auðmjúkir

færa fórn sína. 

 

Meistarar skrumsins.

Fyrst til að telja er það með ólíkindum þessi hugsanavilla Nóbelsnefndarinnar að sæma nýbakaðan forseta USA friðarverðlaunum Nóbels. Og hefur enda sýnt sig að í Barak Obama verður seint fundið nokkuð sem réttlætir þann titil. Og ekki hefur örlað mikið á efndum allra fallegu loforða kosningabaráttu hans. Lygi, skrum og blekkingar virðist einkenna allt framferði þeirra er að lokum setjast að í Hvíta Húsinu. Og ekki var það nokkuð öðruvísi er Jimmy Carter sóttist eftir embættinu og fékk. Allt löðrandi í lygum, blekingum og skrumi. Svo hver er krafa hans, hann ætti að vita hvernig kaupin gerast á eyrinni. Auðvitað getur verið að Carter sé breyttur maður, búinn að sjá ljósið og orðinn friðar og sáttaleitandi og er þá vel. Annars er það s.s. í samræmi, Nobel efnaðist vel og varð einmitt frægur fyrir þær sakir að hafa fundið upp dínamítið og forsetar USA hafa ekki legið á liði sínu er kemur að því að sprengja eitt land eða annað aftur á „miðaldir“.

 

Vill að Obama standi við loforðin

Stormur í vatnsglasi.

Einkennilegt hvað það er viðkvæmt enn í dag að hafa skoðanir á mönnum og málefnum er varða seinni heimstyrjöldina og þá sérstaklega hvað varðar Adolf Hitler. Enn skrýtnara er þó að enn er reynt að halda að almenningi einhverjum ákveðnum söguskilningi sem á að vera hinn rétti. Kastar nú tólfunum þegar eins og í þessu tilviki að Lars von Trier er vísað af kvikmyndahátíðinni í Cannes fyrir ekki annað en að vera að velta fyrir sér perónu og skapgerð genginna manna. Sem einmitt er aðeins eðlilegt enda kvikmyndagerðarmaður, skapar persónur á tjaldinu og spáir því í mannlífsflóruna, þekkta einstaklinga og óþekkt almúgafólk í bland. Margar rannsóknir hafa líka verið gerðar sem benda til þess að ekki hafi nú allt verið eins og hin almennt opinbera söguskýring segir um aðdraganda seinni heimstyrjaldarinnar. Kemur nú ýmislegt gruggugt í ljós ef menn hafa nennu til að skoða það. Annars er það að segja að þessi mynd von Triers „Melancholia" er hreint ágæt, svolítið myrk en falleg á sinn hátt. Mæli með henni.

 

 

Lars von Trier yfirheyrður

Og til hvers er barist..

Hver er ranverulegur tilgangur stríðsrekstrarins í Afghanistan, hver er tilgangur „varnarbandalags“ eins og NATÓ að standa í árásarstríðum með USA OG UK. NATÓ er beitt gegn hinum ýmsu ríkjum þar sem USA OG UK vilja ná ítökum og ráðskast með í framhaldinu. Og við íslendingar erum samábyrg í gegnum aðild okkar að árásarbandalaginu NATÓ, nú síðast í Libyu.

Hafa barist í 10 ár í Afganistan

Jafnrétti.........................

Satt er það, upp er að renna tími almennings, við erum við það að brjóta af okkur hlekki þrælsóttans. Loksins farin að sjá í gegnum blekkingarvefinn, við þurfum ekki að vera svona leiðitöm. Við eigum öll rétt á mannsæmandi lífi bræður og systur á móður jörð. Það er til nóg handa öllum, opnum hug okkar fyrir fegurð lífsins sýnum samkennd og vinarþel, við erum öll af sömu rót.

Gæti skapað traust með afnámi verðtryggingar

Tími..mældur......

Á rölti um bæinn í leit að

tímamælitæki á hendi.

Hendist milli búða í leit að

liðnum tíma ~ sjálftrekktum.

Verðið sveiflast eins og pendúll

í fínu stofustássi fyrri tíma ~

veggklukkunni.

Viðbrögð óræð við spurn minni,

rétt eins og eftirvæntingin um

hvort við næsta slátt klukkunnar

gægist KúKú fuglinn út. 

Ljós næturinnar.

Norðurljós dönsuðu í mistraðri nóttinni.

Tunglið fullt lýsti upp töfrasviðið.

Hugmyndir sem fæddust af andrúminu

hleyptu nýju lífi í draumanna.