Ný viðmið.

Stendur ekki öll heimsbyggðin í raun frammi fyrir því að nú verði því vart frestað mikið lengur að finna ný viðmið, nýja nálgun við lífið og tilveruna 

Fögnuðu mótmælabanni

Dionysus víða tignaður.

Það er greinilega ekki bara á Íslandi sem tilbeiðsla Bacchusar á það til að fara úr böndunum.

1600 „fullir hálfvitar" handteknir

Talandi um pólitíska fanga. „LOL“.

Minni bara á kosningaloforð Obama sem hann gaf í aðdraganda þess að hann var kosinn forseti BNA. Það er einmitt á Kúbu sem hið illræmda fangelsi Guantanamo er staðsett. Þar sem í haldi eru „stríðsfangar“, án nokkura réttinda. Það átti s.s. að verða hans fyrsta verk að loka því, en þar er allt við það sama, slík eru loforð og efndir Obama.

 

Obama vill raunverulegar breytingar á Kúbu

Framhaldsleikrit öfgana@ObamaOsama:):)

Ekkert lát á bulluganginum í öllu er varðar „stríðið gegn hryðjuverkum“.

Ekki nóg með að aldrei verður hægt að sýna fram á að Bin Laden sé sannarlega ekki lengur á lífi, heldur er reynt að lítillækka hann með öllum ráðum. Eins og ekki sé nú nóg komið. Er ekki kominn tími til að Obama fari að draga herafla sinn heim, hann veldur meiri vanda allstaðar heldur en hann leysir. Og að sjálfsögðu eigum við Íslendingar ekki að styðja og taka þátt í árásarhernaði á hendur öðrum þjóðum, en það gerum við með þáttöku okkar í Nató. Við eigum að endurskoða alvarlega aðild okkar að því varnarbandalagi (árásarbandalagi!).

Fundu klám hjá Osama

Láta hjólin snúast!

Væri ekki ráð að láta þessa peninga í vinnu. Reyna að koma einhverju góðu af stað í atvinnumálum. Nota þá peninga sem til eru innanlands til uppbyggingar í stað þess að vera ofurseld ölmusum úr hendi glæpafyrirtækja eins og AGS (IMF). Skrýtið að ekkert sé hægt að gera hér innanlands nema taka til þess lán að utan, sem reyndar fást hvort eð er ekki í stað þess að nýta þær krónur sem þó eru til.

  

Hrein eign lífeyrissjóða nærri 2000 milljarðar

Olíuverð!

Ætli megi ekki einmitt rekja óstöðugleika olíverðs til afskiptasemi stjórnvalda BNA á málefnum heimsbyggðarinnar. Íhlutunar þeirra í löndum um allan heim, stríðsrekstur þeirra þar sem þeir draga NATÓ með sér í stríðsleikina með mannréttindi sem yfirvarp! Svo aðeins sé minnst á lítið brot ábyrgðar BNA.

Eldsneytisverðið lamar efnahag

Leikrit!

Þvílíkt leikrit sem er í gangi hér. Aldrei hefur verið sannað að Bin Laden hefði verið ábyrgur fyrir árásunum á BNA 9/11 2001. Og hefði ekki einmitt verið gráupplagt að rétta yfir manninum og reyna að leiða hið sanna í ljós. Það er ef það var Bin Laden sem tekin var af lífi í Pakistan og svo varpað í sjóinn sem ekki er að Íslömskum sið! Og ekki á að gera opinberar myndirnar sem teknar voru af hinum meinta Bin Laden. Það er vissulega að nálgast kosningar í BNA en fyrr má nú rota en dauðrota. Leikrit a la Hollywood.

Lagði blómsveig á lóð World Trade Center

..innra

Framtíðin er björt í lífi þeirra

er trúa á hið komandi ljós.

Tendrum hið innra ljós,

gefum í friði og ást.

Umfram allt ástinni.

Í ástinni býr hið

fegursta sem við

getum gefið

af okkur.

 

 

 

„Prósi í kjölfar bankahruns og sambúðarslita á því herrans ári 2008.“

Þegar hugurinn opnast fyrir því að ekki er í raun hægt að bíða mikið lengur eftir því að tækifærin komi til manns, að maður verður sjálfur að sækja það sem langar í, þá hefur greinilega örlað á örlitlum þroska, ástin leitar þig ekki uppi, það er orðið ljóst, hún liggur ekki í leyni, býður ekki tækifæris að hremma þig þegar léttstígur lallar í “Kringlunni” töltir niður “Laugaveginn” í norðanbálinu með sólgleraugu um haust, þegar þú hefur í mörg ár dvalið í öruggu skjóli sambúðar, í notalegri hlýju hversdagsins, ekkert lagt á þig til að halda þér í formi, tapað niður samræðulistinni, týnt burt léttleikanum og kímninni, getur ekki lengur gert grín að sjálfum þér, sérð ekki lengur hina kómísku hlið tilverunnar, þó búinn að uppgötva fjarveru guðanna, haldleysi trúarbragðanna, hræsni klerkanna, ægivald fjármagnsins, forheimskun síbyljunar, hins geigvænlega áreitis, lyginnar sem sífellt er lætt að okkur í upplýsingasamfélaginu, búið að festa okkur á klafa, orðin þrælar í þjónustu fyrir bankanna, vextir-vaxtavextir-verðtrygging-verðbætur-vísitölugrunnur, ólögleg gengistryggð lán, fjármálafyrirkomulag sem gerir lítið úr okurlánum Ítölsku mafíunnar, standir þú ei undir skuldbindingum þínum ertu gerður upp, allt af þér tekið, en að auki eltur þar til hver króna er borguð, en sértu af þeirri stétt sem rekið hefur hina miklu útrás og landvinninga í skjóli banka sem útvöldum var úthlutað fyrir smáaura og í raun ekki borgað fyrir, þá þarftu ekki að borga neinar skuldir þínar en heldur þínum rekstri áfram með aðstoð ríkisins, okkar almúgans sem enga grið fær einungis aukna skattheimtu og minna kaup en með bros á vör göngum við til móts við verkefnið því í andstreymi blómstrar kannski helst hugmyndaríkið, skáldskapur napur og kaldhæðinn, eitthvað sem skemmtir skrattanum og okkur hinum, nú þegar fjarar undan, vinnan verður stopulli eða engin, áhyggjurnar magnast þá er haldreipið létt lund og spaugsemi

..dans sjálfrýni.

Rúmlega nægur tími til eindreginnar

sjálfskoðunar umkringdur hinum

mörgu sjálfum,

persónugalleríi af

margslungnu tagi.

Og þrátt fyrir margmenni

er allt hið rólegasta.

Jafnvel svo rólegt að einn

eða tveir persónuleikar eiga í

örlitlum vandræðum með sig. 

Til að aflétta spennunni

stíga þeir létt dansspor.

Ekki línudans, ónei, ekkert slíkt.

Reyndar engan þekktan dans,

aðeins eigin túlkun,

túlkun tilfinninga sem sífellt

ólga hið innra en fá svo

sjaldan að stíga

fram í ræl,

með stæl.