Er plottið að nýrri innrás hafið!

Lengi hefur það verið áætlun æðstu manna innan bandaríkjastjórnar að ráðast inn í Íran en ekki haft nógu góða ástæðu til. Svo að hér má reikna með að sé að skapast tilefni. Hvort þessi atburður er í raun eins og sagt er eða búinn til er ekki gott að segja. En í það minnsta vog á lóðaskálar herhyggjumanna. Gleymum ekki orðum fyrrum forseta USA, Georg W. Bush sem sagði einmitt að „Öxulveldi hins illa“ væru Íran, Írak og Norður Kórea. Írak hefur þegar verið hernumið, er komið að Íran! Annars er það hið undarlegasta mál hversu bandarísk stjórnvöld halda verndarhendi yfir Sádí ættinni sem öllu ræður í Sádí-Arabíu og er ekki mikið fyrir mannréttindi almúgans. T.d. aðeins fyrir nokkrum vikum stóð til að húðstrýkja konu þar sem dirfðist að aka bifreið, en það er þeim bannað. Hún slapp þó frá þessari refsingu í þetta sinn. Og maður spyr sig um hvaða skilgreiningu mannrétindabrota notast er við af bandarískum stjórnvöldum.

Ætluðu að ráða sendiherra af dögum

Ræktunin vernduð af innrásarherjunum!

Það undarlega í þessu öllu er einmitt sú staðreynd að fyrir innrás USA, NATÓ og taglhnýtinga þeirra hafði ópíumrækt að mestu leiti verið hætt í Afghanistan. Talibanar höfðu gert í því að útrýma þessari ræktun.

En nú hefur dæmið snúist við og Talibanar fjármagna sig meðal annars með ræktun á valmúanum og framleiðslu heróíns sem að mestu leiti fer á markað í Evrópu. Og gráir fyrir járnum standa hermenn innrásarríkjanna og vernda ópíumakrana. Já, þetta er undarlegt en ekki er alltaf allt eins og sýnist þegar kemur að siðferði hermangsþjóða.  

Ópíumræktun eykst í Afganistan

Framsækið jafnréttissamfélag.

Ekki held ég að það sé rétt mat hjá Lilju að við viljum óbreytt flokkakerfi. En spurningin gæti frekar verið hvað viljum við. Viljum við kerfi sem hyglar ákveðnum stéttum fram yfir aðrar. Viljum við bankakerfi sem mergsýgur almenning og ríkissjóð. Þurfum við forseta og svona gríðarstórt utanríkisráðuneyti með sendiherra út um allar koppagrundir. Er heilbrigðiskerfið okkar heilbrigt eða skapar það sjúklinga! Og kannski fyrst og fremst, er siðferði okkar Íslendinga örugglega í lagi. Ég tel að nú sé í raun lag til þess að umbylta þjóðfélagi okkar, búa til nýtt framúrstefnulegt jafnréttisþjóðfélag. Við getum það ef við viljum.

„Þjóðin vill óbreytt flokkakerfi“

Vaknað upp af Þyrnirósarsvefninum.

Loksins hefur þokunni létt af almenningi í USA. Gangi þeim vel í baráttunni og vonandi að hún verði eingöngu á friðsamlegum nótum.

Mótmælt víða um Bandaríkin

Íslenskum almenning stefnt í fátækt!

Þetta eru einmitt hin skýru dæmi þess að hér á Íslandi verða brátt aðeins tvær stéttir, fátæklingar og hinir vel stæðu. Fátæklingarnir og öreigarnir sínu fleiri. Nú þegar almenningur hefur notað upp allt sitt sparifé og viðbótarlífeyrissparnað þá er komið að hugsanlegum listmunum, málverkum og allt frá hruni fyrir þremur árum hefur fólk verið að selja gullskartgripina sína. Húsnæðislán og reyndar öll lán stökkbreyttust við hrunið og engin raunveruleg leiðrétting hefur orðið þar á nema á erlendu mynkörfulánunum sem enda voru ólögleg frá upphafi. Hinn vestræni heimur stefnir hraðbyri inn í allsherjarkreppu sem að ef að líkum lætur verður heldur verri en heimskreppan á millistríðsárum síðustu aldar. Og hverjir eru ábyrgir fyrir þessari krísu, eru það ekki einmitt meðal annars bankarnir og það fjármálakerfi sem við búum við. Kerfi þar sem peningar eru búnir til úr engu svo lánaðir út gegn okurvöxtum, bankar sem taka stöðu gegn gjaldmiðli þjóðríkja, eins og gerðist hér á skerinu. Svo er þessum bönkum bjargað með sameiginlegu fé landsmanna úr ríkissjóði en landsmenn fá enga björgun og litlar sem engar leiðréttingar. Þetta kerfi er komið í öngstræti og verður að slá af. Þetta kerfi var búið til af okkur íbúum þessa hnattar, getum áreiðanlega búið til nýtt og betra, sanngjarnara peningakerfi.

Selja stofustássið fyrir mat

Staðlaðir limir.

Kúbverskir limir falla að stöðlum!

Hljómar eins og regluverk Evrópusambandsins.  

Ræður mönnum frá limlengingu

Aðgát skal höfð í nærveru nýs „apps“.

Tölvur eru sannarlega þægileg og þörf tæki, en líka má gera ráð fyrir að í tæki sem senda má upplýsingar megi einnig sækja þær. Svo að ráðlegast er líklega fyrir þessa þingmenn að gæta vel að því sem þeir gera á þessum apparötum með nýju sérhönnuðu „appi“.

Þingmenn fá iPad

Meistarar skrumsins.

Fyrst til að telja er það með ólíkindum þessi hugsanavilla Nóbelsnefndarinnar að sæma nýbakaðan forseta USA friðarverðlaunum Nóbels. Og hefur enda sýnt sig að í Barak Obama verður seint fundið nokkuð sem réttlætir þann titil. Og ekki hefur örlað mikið á efndum allra fallegu loforða kosningabaráttu hans. Lygi, skrum og blekkingar virðist einkenna allt framferði þeirra er að lokum setjast að í Hvíta Húsinu. Og ekki var það nokkuð öðruvísi er Jimmy Carter sóttist eftir embættinu og fékk. Allt löðrandi í lygum, blekingum og skrumi. Svo hver er krafa hans, hann ætti að vita hvernig kaupin gerast á eyrinni. Auðvitað getur verið að Carter sé breyttur maður, búinn að sjá ljósið og orðinn friðar og sáttaleitandi og er þá vel. Annars er það s.s. í samræmi, Nobel efnaðist vel og varð einmitt frægur fyrir þær sakir að hafa fundið upp dínamítið og forsetar USA hafa ekki legið á liði sínu er kemur að því að sprengja eitt land eða annað aftur á „miðaldir“.

 

Vill að Obama standi við loforðin

Stormur í vatnsglasi.

Einkennilegt hvað það er viðkvæmt enn í dag að hafa skoðanir á mönnum og málefnum er varða seinni heimstyrjöldina og þá sérstaklega hvað varðar Adolf Hitler. Enn skrýtnara er þó að enn er reynt að halda að almenningi einhverjum ákveðnum söguskilningi sem á að vera hinn rétti. Kastar nú tólfunum þegar eins og í þessu tilviki að Lars von Trier er vísað af kvikmyndahátíðinni í Cannes fyrir ekki annað en að vera að velta fyrir sér perónu og skapgerð genginna manna. Sem einmitt er aðeins eðlilegt enda kvikmyndagerðarmaður, skapar persónur á tjaldinu og spáir því í mannlífsflóruna, þekkta einstaklinga og óþekkt almúgafólk í bland. Margar rannsóknir hafa líka verið gerðar sem benda til þess að ekki hafi nú allt verið eins og hin almennt opinbera söguskýring segir um aðdraganda seinni heimstyrjaldarinnar. Kemur nú ýmislegt gruggugt í ljós ef menn hafa nennu til að skoða það. Annars er það að segja að þessi mynd von Triers „Melancholia" er hreint ágæt, svolítið myrk en falleg á sinn hátt. Mæli með henni.

 

 

Lars von Trier yfirheyrður

Og til hvers er barist..

Hver er ranverulegur tilgangur stríðsrekstrarins í Afghanistan, hver er tilgangur „varnarbandalags“ eins og NATÓ að standa í árásarstríðum með USA OG UK. NATÓ er beitt gegn hinum ýmsu ríkjum þar sem USA OG UK vilja ná ítökum og ráðskast með í framhaldinu. Og við íslendingar erum samábyrg í gegnum aðild okkar að árásarbandalaginu NATÓ, nú síðast í Libyu.

Hafa barist í 10 ár í Afganistan