...........ferðalag

.................................ferðalag

Ferðast um á fagurofnu draumteppi.
Ferðast um æðarkerfi þjóðarlíkamans.
Ferðast um í ranghugmyndum almúgans.
Ferðast um í vagni vitundarvakningarinnar.
Ferðast um í alsælu tilfinninga minna.
Ferðast um samtvinnaður vinu minni.
Ferðast um með sannleiksleitendum.
Ferðast um með hinum friðelskandi.
Ferðast um í sjálfum mér, því lífið er ferðalag.

©Steinart

Hið viðtekna og viðurkennda!

Gæti helst trúað því að svipaða sögu sé að segja hér á Íslandi. Að drekka áfengi er hið viðurkennda norm en að nota ekki áfengi þykir svolítið undarlegt hef ég orðið var við. Held að gott væri að við förum að gera okkur grein fyrir því að áfengi er það vímuefni sem mestum vandræðum og vandamálum veldur. Umgöngumst áfengi af varúð, lífið er líka miklu betra án áfengis.

Eldri borgarar oftast á fyllerí

Vitundarhugsanir.........

Hugsanir í langvinnri vinnslu, leitandi að hinni frambærilegustu lausn, lausn sem hefur mig upp yfir hina jarðnesku sterílu vanahugsun og hegðun.
Brotthlaup úr faðmi hins viðtekna norms, opna sálu mína, hleypa fugli frelsisvitundar minnar frjálsum úr búri sínu.
Svífa í heiðríkju hinnar komandi vitundarvakningar, syngja söngva frelsis, lofa hina skýru sjálfsvitund. Opna faðminn, gefa og þiggja hina algeru ást, ástina til allrar vitundar, hvaða formi sem hún birtir sig.
------------------------------------------------------------

©Steinart

Er það svo........

Það er verið að egna Írönsk stjórnvöld til að fleygja fyrsta steininum. Vesturveldin róa að því öllum árum að koma af stað stríði, en vilja að það verði ekki hermt upp á þau að hafa byrjað. En sjáum við ekki öll orðið í gegnum þennan hráskinnaleik, þessar blekkingar sem svo lengi hafa viðgengist. Ætlum við virkilega að láta teyma okkur út í enn eitt tilhæfulausa stríðið. Rétt eins og létum teyma okkur út í stríð gegn hryðjuverkaógninni, uppdiktaðri eins og flestir ættu að vera búnir að gera sér grein fyrir. Gleymum ekki því að ætíð fáum við að atast blóði óbeint sökum aðildar okkar að árasarbandalagi Atlandshafsþjóða (Nató). Sem sí og æ er beitt fyrir stríðsvagninn í skefjalausri græðgi ákveðinna vesturvelda. En næsta stríð verður trúlega ekki einungis bundið við austurlönd. Eitt alsherjarstríð mun ekki laga ónýtt efnahagskerfi, föllum ekki í þá gryfju á ný. Leitum leiða í sameiningu til að gera þessa jörð að þeirri paradís sem hún gæti verið. Við getum það, við getum það sem við viljum og viljum við ekki flestöll það sama, frið og hagsæld öllum til handa.

Banna olíuinnflutning frá Íran

Óminni.........

Hugsa til þín ástin mín, sem sveikst sáttmála okkar, lagðir í ferðina án mín, stakkst þér inn í óminnið, þú kvaddir ekki, bréfið sem skildir eftir, torræð gáta sem ekki hefi leyst enn, við gátum setið löngum stundum yfir skrýtnum þrautum og vorum ansi lunkin orðin, en nú sit ég og reyni við gátuna um hvarf þitt inn í óminnið, ferðina sem ætluðum saman, hönd í hönd eins og líf okkar hafði verið, með tár á hvarmi rýni í síðustu og mikilvægustu skilaboð þín, en skil ekki, pappírinn gegnvættur tárum mínum, blekið lekur til, munstur sem aðeins ljær textanum aukið torræði, brýt heilann, alveg mát, líf okkar á ystu nöf, á mörkum hins viðtekna, þó heldur í heimi tilraunarinnar um hina vitundarvíkkandi alsælu, yfir strikið en komum þó alltaf aftur, en nú er sál þín komin í aðra vídd, kem á eftir þér í hljóðri nóttinni þegar upp rennur nýtt tungl, kem í faðm þinn hlýjan og mjúkan, til þín ástin mín.

©Steinart

Einfaldara ráð........

Skynsamlegasta og besta þynnkuvörnin er einfaldlega að vera edrú.

Þynnkuráð Gwyneth Paltrow

Bara ef......

Mikið væri nú gott ef til þess kæmi nú loks í næstu forsetakosningum í USA að til starfans veldist maður sem ekki er strengjabrúða peningaaflanna. En er nokkur von til þess!

Fáir ánægðir með Obama

Úpps.....meiri vinnusemi.

Jæja við erum líklega ofalin hér í vestrinu. Velferðarkerfið hefur gert okkur að ræflum! Tel reyndar sjálfur að vandi peningakerfisins (skuldsettning) sé nú kannski helst falin í því geræðislega peningakerfi sem búum við. Þar sem peningar eru búnir til úr engu með engin raunveruleg vermæti sem tryggingu. En þetta vitum við nú öll nú orðið, nú er málið að reyna að koma á einhverju raunverulegra peningakerfi. Það er hægt. Allt sem þarf er vilji!

Úr sér gengið velferðarkerfi Evrópu

Trú. II

Því trúin er eitt andlegt afl.
Hittir ekki alla fyrir jafnt.
Margan refilstiginn ráfum
fyrr en við sjáum ljósið bjart.

Margur leitar um langan veg,
að lífsins yndi, andans makt.
En í hjarta voru er það ljóst,
að ástin hreina er oss allt.

©Steinart

Rýrt úran.

Það er ekkert skrýtið að fæðingargöllum og aukin tíðni krabbameins, hvítblæðis o.f.l. komi þarna upp. Bandaríski herinn og Natóherinn sem er að verða einhverskonar alþjóðaher illu heilli, nota og hafa gert um langan tíma skotfæri og sprengjur sem innihalda rýrt úran. En það er s.s. einhverskonar úrgangsúran,frá kjarnorkuverum. Þessum vopnum hefur verið beitt í öllum þeim átökum sem þetta herteymi hefur komið sér í á undanförnum árum. Írak, Afganistan, Líbya og víðar. Þessi vopn hafa valdið geislamengun sem ekki mun hverfa á næstunni frekar en önnur geislamengun. Því má búast við að um langan tíma muni þessi mengun valda íbúum þessara landa miklum og alvarlegum veikindum

Fæðingargallar tíðari í Falluja