Enn og aftur "Ísland úr NATÓ"

Eins og hef komið að hér í blogginu áður, finnst mér að Ísland 

ætti að standa utan NATÓ. Enda er þetta "varnarbandalag" löngu

orðið að, því miður, árásarbandalagi.

Og við Íslendingar berum jafna ábyrgð á því sem NATÓ aðhefst vegna aðildar okkar.

Minni á það að þetta bandalag var stofnað til að verja aðildaríki þess ef á

þau væri ráðist. Ekki til að varpa sprengjum á t.d. fyrrum Júgóslaviu eins og

gert var þegar þjóðarbrotin á Balkanskaga bárust á banaspjótum.

En það var einmitt þá sem NATÓ breyttist í árásarbandalag.

Vissulega er gott og gilt að rétta sambræðrum sínum hjálparhönd,

en það er að mínu viti ekki hlutverk né tilgangurinn með stofnun NATÓ

að bera ábyrgð á hernaðaraðgerðum í Lybiu eða öðrum ríkjum. 

 

NATO ber nú ábyrgð

VR kosningar!

Mikið þykir mér þetta döpur kosningaþátttaka.

Eins og auðvelt var að kjósa, þægilegt að kynna sér það sem frambjóðendurnir

höfðu fram að færa, hægt var að horfa á kynningarfund VR á öllum þeim sem í

framboði voru á heimasíðu VR. Og greiða svo atkvæði sitjandi heima við tölvuna,

auðveldara verður það varla. Vart getur félagsfólk VR agnúast mikið út í störf

og þá stjórnarstefnu sem upp verður tekin af nýkjörinni stjórn, meirihluta

félagsmanna virðist standa á sama. Við breytum vart nokkru á sviði félagsmála og

almennt nema með þátttöku okkar þar sem okkur gefst kostur á. 

 

Atkvæði greiddu 4.867. Á kjörskrá voru alls 28.419. Kosningaþátttaka var því  17,13%. 

Stefán kjörinn formaður VR

Ný tegund lesklúbba!

Ætli lesturinn fari ekki fyrir ofan garð og neðan hjá karlkyns "áheyrendum" áhorfendum!

Lesa kviknaktar fyrir áhorfendur

~ hjómþræðir......

Tónar úr ofnum þráðum ~

hljómþræðir ~ tónvefjur ~ 

fimm fjórðu ~ kvartett.

Standbassi ~ tromma ~ sax ~

hljómfagurt píanó ~ engilmjúkur söngur ~

díva ~ "par excellent".

Á rökkvuðum stað á óræðum tíma ~

svífandi djazztónar. 

 

 

..motivation

The naked simplicity

of my thought

sitting contemplating 

of what life could be

if there were some

motivation! 

Seiður...

Magnaður er seiður þinn

kæra vina.

Angist mín hverfur

sem dögg

í sólarupprás hins nýja

tíma komandi.

Skilningur minn dýpkar,

sé til botns

þekkingarvatnsins.

Ferðast upplýstur um í

vitund óendanleikans.

Sé glitta í sannleik

hins alvalda. 

Seductive smile.......

At a crowded place in the midst of night.

A women came my way.

Gave me a beautiful, seductive smile.

Granted me a few cautious, little kisses,

but then went on through.

Vanished, into the city jungle,

browsing.......... 

Innlit......

Horfðu í augu sólarinnar.

Svaraðu spurningum frá

rótum hjarta þíns.

Afklæddu hug þinn

frammi fyrir spegli

sannleikans! 

Ákall......

Ég ákalla ykkur, ofskynjanir.

Kom leys mig úr álögum hversdagsins.

Berið mig í hæðir.

Sýnið mér litadýrð, nýja dýra.

Opnið hug minn, hleypið ferskum

straumum víðsýni inn.

Sýnið mér myndir, atburði forsögunnar. 

Berið mig að fótskör þess alvalda! 

Gæti brugðið til beggja vona.......

Samið líklega 1994

 

Fororð. 

 

Skrýtið hvernig það sem í aðra röndina maður hæddist að verður svo 

raunveruleiki manns á einhverjum tímapunkti lífsins.

Að einhverju leiti hafi þessi prósi þó svartur sé, einhverja forspá

innbyggða í sér. Því engin veit sína ævina..............

 

~~~~~~~~~~~~~~~~~~~~~~~~~~~~~~~~~~~~~~~~~~

 

Gæti brugðið til beggja vona,

líf í heilbrigði eða í

solli vímunnar. 

 

Engin löngun, enginn metnaður.

Tómið eitt.

Þegar ekkert bærist í huganum er þá ekki

tími til kominn að enda partýið!

 

Reka liðið út, hlaða skammbyssuna,

sprautuna!

Hnýta snöruna, klífa upp þak

og mæta dauðanum.

 

Eða hreinlega blása í lúðurinn,

boða til veislu.

Drekka og dópa,

til upphafningar andans

og eða ólífis.

 

Láta sól blekkingarinnar - vímunnar

hita mann og kæta eitt andartak.

 

Eða kannski ganga í

einhvern sértrúarsöfnuð -

láta sefja sig í himinhæðir.

"Glory hallelúja".

 

Mörkin, hvar eru mörkin milli

geðheilbrigði - geðveiki?

 

Hvað er geðveiki?

Að snúast gegn ríkjandi viðhorfum -

siðferði tíðarandans?

 

Hvar máttur fjármagnsaflanna

ræður ferðinni. 

Þú ert þræll langanna þinna.

Og spurningin er;

hvernig komu langanir þínar til.

 

Hver leiddi þig um dal draumanna -

dal neyslunnar.

Hver sagði þér hvað þyrfti

til hamingjuríks lífs?

 

Hver fræddi þig um gildi lífsins -

hvað væri vert að eiga og eignast.

 

Líf neysluþegnsins gleður

púka á sperrum "Kringlanna".

 

Múra sig inn í steypukastala,

fá upplyftingu á miðilsfundum.

 

Já, horfðu á kristalinn þinn,

sjáðu hvernig hann brýtur ljósið.

 

Trúðu á rétt segulmagn.

Straumar - tíska - nýöld!

Hvar er Guð?

 

Ó, þú formyrkvaða veröld á flótta.

Sauðirnir hafa týnt hirði sínum!

 

Hagvöxtur! Töfraorðið.

 

Framleiða - framleiða - endalaust.

Framleiða drasl að selja - selja -

selja - hagvöxtur.

 

Móðir jörð - hún rymur, hún stynur,

þjáð af ofbeldi hagvaxtarins,

hún er opin und.

 

Brennur - myrkvast í eitri.

Ferðafrelsi - helsi blikkbeljanna.

Fljúga landa á milli - hvað er allt

þetta fólk að þvælast - reykur og

eymyrja - hraði - meiri hraða. 

 

Allt þarf að gerast á ofurhraða -

boð á milli landa - framleiðni -

tölvur og róbótar.

Hvaða þörf er fyrir fólk.

Hvaða stærð er það -

helst til óhagkvæmt vinnuafl!

 

Of mikið af tilfinningum,

seinvirkt, ónákvæmt, óhagkvæm stærð!

 

Hvílíkt böl, of margt fólk með of litlar

tekjur til að kaupa,

seinkar óhjákvæmilega hagvextinum.

 

Hvaða ráð eiga stjórnvöld við

aðsteðjandi vanda.

Fólk sættir sig ekki við að eiga enga 

von um atvinnu - eiga ekkert.

Skipta engu máli!

Hvenær springur blaðran?

 

Hvenær blossar bálið?

Hvenær opnast flugskeytaskýlin?

Hvenær hrópast rauðu takkarnir á?

 

Verða málin leyst án allsherjarstríðs?

Stöndum við ekki frammi fyrir því að

þurfa að hreinsa borðið,

svo grundvöllur skapist fyrir

endurskipulagningunni.

 

Þúsundáraríkið verður varla til

fyrr en eftir "Ragnarökin"!

Vona og sjá hvort lifir það af,

fáir að taka þátt í uppbyggingunni.

 

Mín "Útópía" - þín "Útópía".

Fyrirmyndaríkið sem alla er að dreyma.

 

Nýaldarfólk býst við hjálpræðinu utan

úr geimnum.

Kannski vinir þeirra frá

Snæfellsjökli?

 

Ef árangurinn er sá sami s.s. aðeins 

hinir skyggnu sjá og skynja,

þá er varla við hjálpræði að búast þar.

 

Skyggna liðinu verður kannski bjargað í

geimskip rétt á meðan stormurinn geisar.

Lifir vel í glaumi - vellystingum.

 

Komum á jörðina aftur, stöðluð ímynd - útlit.

Hið rétta útlit.

Ganga í augum - elítan.

Réttu samböndin - tengsl í réttar áttir.

 

Trúin gæti bjargað oss.

Veit ekki - kannski ef þú trúir því.

Líttu til sálar þinnar,

rifjaðu upp barnatrúnna,

þér var sagt frá hjálpræðinu.

 

Þegar maður hefur verið svo lengi

ofurseldur firringunni,

tapar maður áttum,

stendur einn trúlaus - einmanna.

 

Oft heyrt þá skilgreiningu síðustu ár,

fólk trúi á guð í sjálfu sér.

Að hið góða og vonda í því sjálfu

berjist um yfirráðin.

Og þar með á þessi skilgreining á guði þeirra að duga,

ef maður spyr, hvað með kirkjuna, Jesús,

hversvegna fermast, giftast í kirkju,

jarða með prestlegum hætti ef guð

er bara hið innra?

 

Af hverju allar þessar serímóníur - siði

ef þeir merkja ekki neitt?

 

Hvern á að blekkja? 

 

Hinn sjálfstæði nútímamaður í sinni vélaveröld,

heldur að vísindin eigi svar við öllu.

Bendir á að goðsögnin um Adam og Evu

standist ekki, þau geti ekki hafa verið hin

sanna byrjun, og hvað með Edensgarð? 

 

Darwin hafi með þróunarkenningunni

umbylt Biblíunni og sögum hennar

um Edensrann.

 

Sagnirnar í raun dæmisögur - líkingar.

 

En tvískinnungurinn - hræsnin,

fara eftir kirkjulegum siðum,

en kukla á kvöldin í spíritisma - skyggnilýsingum -

ásamt trú á steina og kristlla.

Nýöld yndislegur hrærigrautur.

Gamla guðstrúin höfð með ef ..................

sem varnagli.

 

 

Já, kannski er von -

með sameiginlegu átaki. 

 

~~~~~~~~~~~~~~~~~~~~~~~~~~~~~~~~~~~~~~~~~

 

E.s.

 

Dettur í hug að hefði kannski rétt eins og

James Douglas Morrison átt að henda skrifum

æskuáranna á bál.

 

En það er líka gott að hreinsa út úr sálinni, gömlum

pælingum og hugrenningum með því að varpa

þeim út á veraldarvefinn.

Hina nýju "Akasíukróniku". 

 

Og úr því að Jim Morrison er mættur á blað, en hann var

ljóðskáld og söngvari hljómsveitarinnar "Doors" eða The Doors ef vill.

Nafn sveitarinnar er tilkomið eða dregið af titli bókarinnar;

"The Doors of Perception" eftir Aldous Huxley.

Í þeirri bók lýsir hann eigin upplifunum af skynaukandi lyfjum eins og

LSD og Meskalíni.

Hann er þó líklega best þekktur fyrir bók sína;

"Brave New World" sem kom út árið 1932.

Á íslensku kom hún út árið 1988 hjá MM í þýðingu

Kristjáns Oddssonar og heitir á því ylhýra;

"Veröld ný og góð".

 

En Huxley hafði einmitt mjög skýra sýn á það hvernig 

framtíðin gæti orðið rétt eins og vinur hans Georg Orwell. 

 

Kannski er þessi prósi sem á undan fór

einmitt samin undir áhrifum frá þessum mönnum.

 

Og þá bara þökk sé þeim.