Stöndum vörð um lýðræðið!

Vonandi verður aldrei af því að yfirvöld hvort heldur er í USA eða jafnvel hér á Íslandi fái 

þær heimildir og ákvörðunarrétt að slökkva á internetinu. Slíkt myndi ég telja að væri

bein aðför að lýðræðinu, sem ég held að við verðum að fara að standa enn betur vörð um.

Eins og þeir vita sem fylgjast með hefur einmitt verið mjög að lýðræðinu þrengt í hinum

vestræna heimi nú hin síðari ár í skjóli af hinu svokallaða "stríði gegn hryðjuverkum". 

Látum það eigi yfir okkur ganga, verum vakandi fyrir eigin velferð. 

 

Forsetinn geti slökkt á netinu

Sjálfbært Ísland!

Mín sýn á Ísland framtíðarinnar er sú að við verðum sjálfbær í matvælaframleiðslu.

Trúlega eru í raun allir möguleikar á því að við gætum orðið sjálfum okkur nóg.

En til þess að slíkt geti orðið þarf að sjálfsögðu "örugglega" að gera ýmsar breytingar í

regluverki okkar og skattaumhverfi og ekki síst í raforkuverði til gróðurhúsaræktunar.

Miðað við hvernig veðurfarið hér hjá okkur hefur verið að breytast síðastliðin ár virðist líka 

vera full ástæða til þess að fara í enn meiri kornrækt.

Margir láta sig dreyma um það að rækta hér ýmsan gróður sem nýta mætti í lífefnaeldsneyti,

það tel ég að við ættum ekki að gera, heldur nýta allt land sem getum til matvælaframleiðslu.

Og að sjálfsögðu að leitast við að framleiða allt á vistvænan hátt.

Staðreyndin er sú að við eigum bara eina jörð og henni hefur víða verið illilega spillt.

Jarðarbúar nálgast það að verða sjö milljarðar, ansi margir sem verður að metta,

og jarðgæði víða undan að láta vegna fólksfjölda og mengunar.

Því að það er eitt af því sem við sem eigum "í það minnsta ennþá" og það er gott og gjöfult land,

nægt vatn og búum við hlýnandi veðurfar. 

Og að sjálfsögðu er það líka sjávarútvegurinn og hefðbundin landbúnaður sem við búum að.

Ekki sé í raun að við ættum í neinu að breyta því fyrirkomulagi okkar að leitast við að vera

sjálfstæð og sjálfbær þjóð, við eigum nú þegar í mjög góðum samskiftum við nágrannaþjóðir

okkar í flestu tilliti, og sé enga ástæðu til að ætla að svo geti ekki verið áfram. 

S.s ættum við ekki að stórauka matvælaframleiðslu okkar, það sem við neytum ekki er

áreiðanlega hægt að selja öðrum þjóðum.

Ísland framtíðarinnar "Matarkistan í norðri".

 

E.s.

 

Langar svona til gamans að benda á hvað nafn lands okkar þýðir í raun

samkvæmt rannsóknum m.a. Gunnars Dal.

 

Ísland = Land Guðs. 

 

Keyptu um 1000 tonn af íslensku korni

Hljómurinn....

I.

 

Það hljómar, í höfðinu glymur,

tónverk í smíðum.

Tónlist úr húsi þagnarinnar.

Ferðast í huganum um land tækifæranna,

finna blæ hins hamingjuríka friðar.

 

II.

 

Löngun mín nær í þriggja metra radíus.

Teygi mig, reyni að snerta hið ósnertanlega.

Upplifanir í sýnd og reynd.

Hjóm mig læt tæla, inn í hugann,

þar sem skapa nýjan sýndarveruleika. 

Flótti úr nútímanum! (Gamalt úr skúffunni.)

Undirbúningur undir lífið á galeiðunni.

Spurning um vímu, deyfa hugann eitt andans augnablik.

Setja upp rétta svipmótið.

Augnablik, hvernig blása vindar í kvöld.

Gengur rautt eða kannski svart.

Heimur á flótta, kapphlaup í gin heimskunnar.

Ná upp hraða sem hægt er að vera sæmdur af.

Bruna á mót geggjuninni, kemur hún svo sem ekki nógu snemma? 

Glaðhlakkalegir púkar sitja á öxlum okkar, skemmta sér vel.

Leikhús fáránleikans, líf í trylltum dansi. Sviðsmynd öfganna.

Tónfall síbyljunnar. Hringlar orðið í hausnum á þér vinur.

Er gangverkið farið að skrölta!

Og þig byrjar að dreyma paradísarlífið, sem er viðsnúningur

á núverandi líf.

Gulur sandur, húla - húla meyjar sem dansa innan um pálmatréin.

En draumar eru oft loftbólur.

Svo þú ferð og reynir að ná sambandi við hinn heiminn, þú veist,

fréttir úr eftirlífinu, ferð á skyggnilýsingu. 

Halló - halló er í salnum einhver sem þekkir BOND - JAMES?

Augnablik! Þetta gengur ekki.

Ferð í þriggja áfanga handayfirlagningu.

Rifja upp fyrri líf þín. Kannski gerðist eitthvað spennandi þar.

Kannski varstu LEIFUR hinn HEPPNI og fannst þá VÍNLAND hið góða.

Áttirðu smá ástaræfintýri með indiánaskvísum?

En hvað gagnast manni minningar úr fyrra?

Kaffi í bolla / drekk / þrjá hringi réttsælis yfir höfðinu, smá

andardrátt í bollann, þurrkann á ofni.

Kerling með slæðu á höfði, hringlandi armbönd.

Eðla frú, sérðu eitthvað í bollanum.

Já, ég sé ferðalag og mikla peninga á næstunni. 

Virkilega, núna fljótlega? 

Já, mjög fljótlega!

Svo þú gengur út í gleðivímu. Loksins - loksins.

Er dyrnar lokast á hæla þér stígur spákonan gleðidans.

Pakkar niður í töskur, pantar leigara.

Keflavíkurflugvöll takk, með hraði.

Já, hún stundar gjöfula atvinnugrein! 

 

 

Minningar um ókomin ár!

Leiftur skilnings í órannsökuðum hugarfylgsnum okkar.

En ekki bærist hár í úlfaþytnum.

Þó eru mörg ljón, margar átyllur til að gera ekkert.

Við stöndum undir klettum, á strönd, horfum á mánann,

horfumst í augu, syndum á haf út.

Ekkert spyrst, lifum í minningunni, gerum vart við

okkur í draumum! 

...með blænum

Hún kemur með blænum, utan af sjónum,

víman, smygluð vara af kaupskipi

martraðarinnar.

Límist við, skríður, sprettir upp

heilanum, hleypir löngununum út,

æsir, tryllir, tekur flugið á lendur

framtíðarinnar, í óútskýranlegum

litaafbrigðum. 

Gamlir prósar úr skúffunni!

Og tíminn líður hjá,

rétt eins og fljótið.

Rennur í lygnu, og allt í einu

steypist það um gljúfrin.

Ást og væntingar, löngun og veruleiki.

Skin sólar í huganum,

lýsir upp skúmaskotin.

Hrekur drauga einsemdar og brjálæðis

fram í sviðsljósið,

hvar þeir stíga dans,

léttan ræl.

Diskóbyltingin liðinn hjá,

rólegur zambataktur tætir upp kynórana.

Æfintýri í nóttinni!

 

 

-------------------------------------------------------------

------------------------------------------------------------- 

 

Spyrst út um hagi

þína í voða veröld.

Þegar tjald er dregið fyrir huga

mitt í  blóma þínum.

Þegar hugmyndir helst fæðast,

þroskinn að skila sér.

En þá hverfa í heim

tilhæfulausan, geggjaðan.

Skref fyrir skref í áttina að

algleymi hugóranna. 

Sólris.... (Prósi)

Minnist tíma þá allt lék í lyndi,

eindrægni ríkti og fuglar sungu á grein.

Nú greinist allt í aðrar áttir og vart að maður

átti sig á nokkrum hlut sem í hlutarins eðli

er ekki svo óeðlilegt miðað við að allt var

vitlaust greint í upphafi.

Það voru ekki fuglar sem sungu á stakri grein

heldur greinilega tenórar af Guðs náð og friði

sem brýndu raddir sínar við upprisu sólar

í landi drauma minna.......... 

 

Borga eða ekki Icesave!!!

Vil meina að við almenningur á Íslandi höfum ekki nokkra ástæðu til að borga þessa skuld og berum enga ábyrgð á þessu máli. Algert klúður stjórnmálamanna sem sátu við völd við hrunið og lofuðu að borga án umhugsunar, ekki hafa núverandi ráðamenn þjóðarinnar heldur staðið sig nokkuð betur við lausn málsins.

 

Segir Icesavevinnu ganga vel

SKYNVÍKKUN! (Prósi)

Skynvíkkun.

Gengur um dyr, yfir í hina víddina.

Minni sem heyrði í texta frá sjöunda áratugnum.

Fólk gekk um í leiðslu, söng um frið, blómum skrýtt.

Andóf gegn stríðsrekstri, svo féll hreyfingin á eigin bragði.

Of mikið dóp, rokk og ról.

Í dag er þetta fólk sú kynslóð sem lagði hornsteininn að

hinum mikla "uppakúltúr".

Gleymdi byltingunni sinni, gafst upp á að breyta kerfinu

og sameinaðist því.

Ó, þessar litlu sætu byltingar, unglingar að stíga fyrsu

skrefin inn í fullorðinsárin.

 

Eftir stendur sýrutónlistin, frægar sögur af rokkgoðum

sem lifðu hátt, stutt og brjálæðislega.

Dóu á niðurfallinu.

Jú, settu X í söguna, hafa verið tilefni til margra heilabrota

um tilgang og gildi lífsins.

Til að taka t.d. hvort er betra að lifa lengi og viðburðarlaust,

eða hratt og hátt í einum viðburðarríkum blossa!