Skrýtið!

Þetta þykir mér einkennilegt. „Joly telur að Evrópusambandið þurfi á betri seðlabanka að halda en Seðlabanki Evrópu er í dag og byggja þurfi upp banka í líkingu við Seðlabanka Bandaríkjanna.“ Eins og flestir hljóta að vita þá er Seðlabanki Bandaríkjanna einkabanki og ekki síst ábyrgur fyrir því hruni sem varð árið 2008.

Kreppan afleiðing spákaupmennsku bankanna

Hvers vegna?

Mikið þykir mér það skrýtið ef fylgi þessa stjórnmálaflokks er að aukast. Hver gæti verið ástæðan fyrir því? Ekki efa ég það að einstaklingarnir í flokknum eru allt hinar bestu manneskjur. Þessi flokkur bjó til það kerfi, reyndar ásamt Framsóknarflokki og undir það síðast líka Samfylkingunni, kerfið sem hrundi með látum haustið 2008. Það sem undrar mig er að ekki hefur flokkurinn viljað mikið kannast við sinn þátt í því hvernig fór og ekkert hefur breyst í hugmyndakerfi flokksins. Nú á helst að komast að kjötkötlunum að nýju og byrja sama leikinn. Við verðum öll að taka til í okkar ranni, bæta okkur, tileinka okkur betra siðferði, öll þjóðin. Horfast í augu við ábyrgð okkar og byggja upp nýtt réttlátt þjóðfélag, þar sem manngildið er virt. Við höfum tækifæri til að búa til samfélag sem gæti verið öðrum fyrirmynd, gefum okkur tíma til að hugsa hlutina upp á nýtt. Við skulum ekki stökkva beint í svaðið til að endurtaka öll mistökin. Sjálfstæðismenn, sýnið nú einhvern nýjan lit, byggjum nýtt Ísland.

Aukinn stuðningur við Sjálfstæðisflokkinn

Að finna ástæður til árása.

Ætlar þeim að takast að finna sér ástæðu til árása á Íran, Tækifæri sem heimsvaldasjúkir ráðamenn USA og UK hafa verið að bíða eftir. Næsta víst að ef farið verður í átök við Íran mun það verða upphaf þriðju heimsstyrjaldarinnar. Að sjálfsögðu verður árásarbandalagi Nató beitt í þessari aðför eins vani er orðinn, og við Íslendingar verðum enn eina ferðina meðsek í árásarhernaði á sjálfstæða fullvalda þjóð. Megi allar góðar vættir verða að liði í að koma í veg fyrir þetta gerræði. Það er hægt að koma í veg fyrir þetta, það er hægt að breyta móður jörð, okkar eina heimili í paradís ef við viljum. Fleiri og fleiri jarðarbúar, bræður okkar og systur eru að vakna upp af mókinu, sjá í gegnum blekkingarvef hinna ráðandi afla í heiminum. Við erum mörg, afl okkar mikið, með jákvæðni að leiðarljósi og vilja til réttlætis öllum til handa getum við breytt sögunni. Það er ekki náttúrulögmál að hlutirnir þurfi að vera eins og þeir hafa verið hingað til. Við getum tekið ákvarðanir sem stuðla að breyttri heimsmynd ef við viljum og ég held að við viljum það flest.

Olíuverð hækkar vegna spennu í Íran

Land guðs.

Gunnar Dal, blessuð sé minning hans, hélt þeirri skoðun á lofti að í raun hefði eyjan okkar verið þekkt áður en norrænir menn settust hér að. Og að nafn eyju vorrar Island, merkti í raun; Land guðs.

Í vetrarklæðum úr geimnum

Ef stjórnin fellur.

Væri þá ekki ráð að reyna að setja saman einhverskonar starfstjórn. Velja saman sæmilega hæft fólk úr sem flestum geirum atvinnulífsins. Stjórn sem myndi starfa saman í einhvern ákveðin reynslutíma og fengi það erfiða hlutverk að reyna að sigla þjóðarskútunni á friðsæl og gjöful mið. Því hverjir treysta þessum stjórnmálamönnum sem nú eru á þingi. Nú eða flokkskerfinu yfirleitt, þar sem engin vill kannast við að hafa átt nokkurn þátt í því hruni sem yfir okkur kom. Við verðum öll að taka okkur saman í andlitinu og bæta siðferði okkar og vinna saman að því að skapa réttlátt og gott samfélag, tækifærið er til staðar.

Alltaf má fá annað föruneyti

Stöndum vörð um tjáninguna.

Leynt og ljóst eru yfirvöld ýmissa landa að reyna að hefta frjálst netflæði. Stöndum vörð um frjálst og opið alnet. Því þar er helst að finna sannan og óspilltan fréttaflutning og ýmsan fróðleik sem getur orðið til þess að við vöknum upp af hinum langa svefni, hinni einsleitu mötun. Langar til að benda á ágæta mynd sem hægt er að nálgast á alnetinu;„Thrive“, fer ágætlega í gegnum það hvernig okkur hefur verið stjórnað og er enn. Eigum við ekki að fara að kasta af okkur okinu og um leið bjarga móður jörð undan þeirri áþján sem á hana er lagt í ríkjandi kerfi. Við getum það og við skulum gera það, plánetan okkar getur verið „Edensgarður“, ef við viljum. Vöknum upp og tökum höndum saman við að skapa réttlátt líf fyrir alla jarðarbúa.

Fimm ára fangelsi fyrir að blogga

Kaupæði.

Erum við alveg að tapa okkur í eftirsókn okkar eftir hlutum. Sumum kannski nauðsynlegum til venjulegs lífs en ansi mörgum óþarfanum. Öll þurfum við klæði utan á okkur og víst getur það verið ansi dýr liður í heimilisbókhaldinu, en ástandið sem skapaðist nýverið er ný verslun var opnuð í verslunarmiðstöð á höfuðborgarsvæðinu var fremur „absúrd“ vægast sagt. Er kannski staðreyndin orðin sú að verslunarferðir og hangs í verslunarmiðstöðvum sé sú lífsfylling sem margir sækjast eftir!

Kaupdagurinn mikli í Bandaríkjunum

Árásarbandalag NATÓ.

Er Nató nú þegar orðið að einhverskonar heimsher. Hernaðarsamtök sem hafa tekið sér rétt til að fara gegn hvaða þjóð sem er til að tryggja hagsmuni hverra? Bandalag sem aðalega virðist lúta hagsmunum ríkisstjórna USA og UK!

„Tilefnislaus“ árás Nató í Pakistan

Leitin mikla.

Þetta er bara hið besta mál, ættleiða stráklinginn og finna hinn fullkomna mann. Ekki lítil verkefni sem hún vill takast á við, segi nú bara; gangi henni vel.

Boyle vill ættleiða Bieber

Ja hérna.

Allt getur nú gerst, hef sjálfur notað ýmsar ástæður til að hætta í vinnu, þetta slær nú öllu við :)

Þoldi ekki hitann