...næring ~ tæling...

Að næra andann

í þögn

á veitingahúsi

í miðborg

Reykjavíkur,

sötrandi te,

fylgjast með

lífinu utan

við gluggann,

í von um að

tæla til sín

skáldgyðjuna,

eitt andartak,

nægilega lengi

fyrir ljóðstúf. 

 

..jákvæðni....

Horfum til lífsins með jákvæðri

sýn á möguleika okkar til

upplýstari vitundar. 

Gæsla loftrýmis!

Skil nú ekki alveg til hvers þarf að gæta loftrýmis yfir og umhverfis Ísland. Ef þjóðum heims stafar ógn af einhverjum í loftrými sínu væri það helst einmitt ógn af NATÓ og BNA. Veit ekki til að mikilli ógn stafi af Rússlandi hin síðari ár. Svo að spyr mig hver er tilgangurinn með þessari gæslu. 

 

Kanadamenn gæta loftrýmis

...myndhvörf.....

Birtist óvænt.

Afklæddist orðalaust

í birtu götuljósa.

Bauð blíðu sína

án skuldbindinga.

Kom til mín óumbeðin,

líkt og eftir hugboði.

Alsköpuð ímynd,

draumur drauma

minna. 

 

...hugmynd að ljósmynd......

Vildi mynda myndarlega 

mey ef hún gæfist.

Leita dyrum og dyngjum,

í dyngju drottningar

kemst enginn

án meðmæla. 

 

Vonandi aprílgabb.

Vona að við Íslendingar sýnum nú smá samtakamátt og að mínu áliti

skynsemi og fellum Icesavefrumvarpið hið nýja.

 

NEI við ICESAVE! 

Meirihluti ætlar að segja já