Góðar vættir forði oss frá því..............

Ekki líst mér vel á það að almennir lögreglumenn fari að hafa aðgang að skotvopnum í bifreiðum sínum.
Því það eitt er víst að ef svo verður þá munu glæpamennirnir verða fljótir til að vopnast.
Og sagan kennir okkur það að ofbeldi elur af sér ofbeldi.

Vilja byssur í bílana

Athugasemdir

[Hjördís Vilhjálmsdóttir, 1.5.2012 kl. 14:59]

Sammála Steinar.

Að auki treysti ég þeim ekki til að vera með þetta. Það hefur virkað á mig að þeir hafi farið kæruleysislega með piparúða, eins og á t.d. útifundum eftir hrunið, svo nei. Má vel vera að spennufíkn sumra lögreglumanna valdi þvi að þeir svari svona í könnun og að þeir vilji sem mestan hasar; vera í sem mestri "action", en þeir verða að uppfylla það annarsstaðar en á vöktum sínum og launum okkar.

Ég er hinsvegar tilbúin að endurskoða afstöðu mína ef það mun gerast að  minnst ca. 5 eigi eftir að falla vegna skotvopna annarra í störfum sínum. Eða nota álíka háa tölu eins og gert er þegar hugað er að bættu umferðaröryggi. Það hafa ca. 50 manns látist á leið austur fyrir fjall og enn ekki búið að bæta úr. Svo þetta þarf að bíða og sjá hversu raunveruleg hætta er á ferðinni í raun og veru.

[óli (IP-tala skráð) 1.5.2012 kl. 17:58]

Lögreglumenn eru meðal þeirra stétta sem hafa hættulegastar vinnuaðstæður og eru um leið á lúsarlaunum. Ef ég réði myndi ég tífalda fjárframlög til löggæslu, og amk tvöfalda laun lögreglumanna. Lögreglan þarf alls staðar að vera sýnileg, og auðvitað vopnuð, hvað annað? Auðvitað á hún að vera vopnuð, og um leið vel þjálfuð, og á góðum launum, svo gott fólk fáist í hana. Ef ekkert er gert þá mun glæpalýðurinn vaða uppi í þessu afsiðaða samfélagi.

[Ármann Birgisson. (IP-tala skráð) 6.5.2012 kl. 00:56]

Hjördís. Ég legg til að þú lesir mjög mjög vel það sem þú skrifaðir. Þá kannski áttar þú þig á því hvað þú varst að senda inn.