Hugleiðingar á vertshúsi.........

Rangsælis í myrkri hugrenninga um mögulega útkomu samtals og afleiðinga þess. Viðbrögð gamalla tengsla og viðfang í skugga hins ómótstæðilega aðdráttarafls. Löngun fram um veg og til endimarka ljóslífsins í huga mér á stund hins gráa fölva febrúar.

--------------------------------------------------------------------------------

Og komandi dagur ber í sér tækifæri til nýrra upplifana í ljósi aukins skilnings á gangverki himintungla og samspili þeirra ásamt áhrifum á vorn lífsdans. Danssporin stígum við undirleik hins himneska tónverks sem kliður lifunarinnar er.

--------------------------------------------------------------------------------

Sannarlega margslungin tilvera ~ einvera í flökti kertaljósa. Á bar og músikin heldur sig til hlés í augnablikinu en trúlega er Kallíópa með nýjan tón tilbúinn er gleðin rís og andinn stígur sinn dans í kolli mínum, algáðum, bráðum munu ljósin lifna og upplýsist mitt líf.

--------------------------------------------------------------------------------

©Steinart

Athugasemdir

[Húsari. (IP-tala skráð) 14.2.2012 kl. 22:34]

Sæll Steinar.

Hér finnst mér vel að verki staðið.

Eigingirni mín er á það háu stigi að gjarna hefði ég
viljað sjá þessa þrjá hluta þar sem búið er að ydda texta
og setja í ljóðstafi eða það form annað er höfundur kysi.

Hvers vegna? Vegna þess að af þessum texta verður það eitt ráðið
að höfundur er handgenginn texta og ljóðagerð.

Með bestu þökk fyrir þennan texta semog óskir til höfundar
um að halda áfram á þessari braut og prófa sem flest.

[Steinar Þorsteinsson, 17.2.2012 kl. 20:17]

Þakka þér Húsari.