Hví er Ísland í stríði við þjóð í Afríku! // Ísland úr NATÓ!

Eins og allir þeir sem kynna sér málin ættu að renna í grun, að ekki sé nú frekar en oft áður verið fyrst og fremst að vernda líf saklausra borgara í átökum við vondan einræðisherra! Nú hafa evrópskar þjóðir ákveðið að senda sína herforingja á svæðið til að leiðbeina upreisnarmönnum, stýra þeim til sigurs á Gaddafi. Og nú sem svo oft áður er það líklega fyrst og fremst olíuhagsmunir rétt eins og í Írak sem er drifkrafturinn. Eins líka tilburðir Gaddafis að reyna að fá ríki í Afríku til einhverskonar samstarfs og viðskiptabandalags, en slíkt hugnast að sjálfsögðu ekki gömlu herraþjóðunum. Og vissulega er rétt að fordæma notkun á klasasprengjum, sem flest ríki hafa bannað nema; BNA, Rússland og Kína. Aftur á móti eru grunsemdir um að herir NATÓ noti sprengjur og annan vopnabúnað sem í er „Depleted uranium" eða svokallað „rýrt úraníum" og hafi meðal annars bæði notað í Afghanistan og Írak. Afleiðingar þessara vopna og mengunin sem þau skilja eftir sig er hræðileg og viðhelds í umhverfinu í áratugi, meðal afleiðinga er skelfileg líkamslýti og vansköpun nýbura, orsökin mun verða til staðar um langa framtíð. Er það þetta sem við Íslendingar viljum styðja, við sem þykjumst friðelskandi þjóð og stærum okkur af að hafa ekki her o.s.f.v. í okkar landi!

  

Frakkar og Ítalir senda hernaðarráðgjafa til Líbíu